శ్రీ హయగ్రీవ కవచం 2 (Sri Hayagreeva Kavacham 2 - Telugu Lyrics)

 

శ్రీ హయగ్రీవ కవచం 2

అస్య శ్రీహయగ్రీవకవచమహామంత్రస్య హయగ్రీవ ఋషిః,

అనుష్టుప్ ఛందః, శ్రీహయగ్రీవః పరమాత్మా దేవతా,

ఓం శ్రీం వాగీశ్వరాయ నమ ఇతి బీజం,

ఓం క్లీం విద్యాధరాయ నమ ఇతి శక్తిః,

ఓం సౌం వేదనిధయే నమో నమ ఇతి కీలకం,

ఓం నమో హయగ్రీవాయ శుక్లవర్ణాయ విద్యామూర్తయే,

ఓంకారాయాచ్యుతాయ బ్రహ్మవిద్యాప్రదాయ స్వాహా .

మమ శ్రీహయగ్రీవప్రసాద సిధ్యర్థే జపే వినియోగః ..

ధ్యానం -

కలశాంబుధి సంకాశం కమలాయత లోచనం .

కలానిధి కృతావాసం కర్ణికాంతర వాసినం .. 1..

జ్ఞానముద్రాక్ష వలయ శంఖచక్ర లసత్కరం .

భూషా కిరణ సందోహ విరాజిత దిగంతరం .. 2..

వక్త్రాబ్జ నిర్గతోద్దామ వాణీసంతాన శోభితం .

దేవతా సార్వభౌమం తం ధ్యాయే దిష్టార్థసిద్ధయే .. 3..

ఓం హయగ్రీవశ్శిరః పాతు లలాటం చంద్రమధ్యగః .

శాస్త్రదృష్టిర్దృశౌ పాతు శబ్దబ్రహ్మాత్మక శ్శ్రుతీ .. 1..

ఘ్రాణం గంధాత్మకః పాతు వదనం యజ్ఞసంభవః .

జిహ్వాం వాగీశ్వరః పాతు ముకుందో దంత సంహతీః .. 2..

ఓష్ఠం బ్రహ్మాత్మకః పాతు పాతు నారాయణోఽధరం .

శివాత్మా చిబుకం పాతు కపోలౌ కమలా ప్రభుః .. 3..

విద్యాత్మా పీఠకం పాతు కంఠం నాదాత్మకో మమ .

భుజౌ చతుర్భుజః పాతు కరౌ దైత్యేంద్రమర్దనః .. 4..

జ్ఞానాత్మా హృదయం పాతు విశ్వాత్మా తు కుచద్వయం .

మధ్యమం పాతు సర్వాత్మా పాతు పీతాంబరః కటిం .. 5..

కుక్షిం కుక్షిస్థవిశ్వో మే బలిభంగో వలిత్రయం .

నాభిం మే పద్మనాభోఽవ్యాద్గుహ్యం గుహ్యార్థబోధకృత్ .. 6..

ఊరూ దామోదరః పాతు జానునీ మధుసూదనః .

పాతు జంఘే మహావిష్ణుర్గుల్భౌ పాతు జనార్దనః .. 7..

పాదౌ త్రివిక్రమః పాతు పాతు పాదాంగులీర్హరిః .

సర్వాంగం సర్వగః పాతు పాతు రోమాణి కేశవః .. 8..

ధాతున్నాడీ గతః పాతు భార్యాం లక్ష్మీపతిర్మమ .

పుత్రాన్విశ్వకుటుంబీ మే పాతు బంధూన్సురేశ్వరః .. 9..

మిత్రం మిత్రాత్మకః పాతు వహ్న్యాత్మా శత్రుసంహతీః .

ప్రాణాన్వాయ్వాత్మకః పాతు క్షేత్రం విశ్వంభరాత్మకః .. 10..

వరుణాత్మా రసాన్పాతు వ్యోమాత్మా హృద్గుహాంతరం .

దివారాత్రం హృషీకేశః పాతు సర్వం జగద్గురుః .. 11..

విషమే సంకటే చైవ పాతు క్షేమంకరో మమ .

సచ్చిదానందరూపో మే జ్ఞానం రక్షతు సర్వదా .. 12..

ప్రాచ్యాం రక్షతు సర్వాత్మా ఆగ్నేయ్యాం జ్ఞానదీపకః .

యామ్యాం బోధప్రదః పాతు నైరృత్యాం చిద్ధనప్రభః .. 13..

విద్యానిధిస్తు వారుణ్యాం వాయవ్యాం చిన్మయోఽవతు .

కౌబేర్యాం విత్తదః పాతు ఐశాన్యాం చ జగద్గురుః .. 14..

ఉర్ధ్వం పాతు జగత్స్వామీ పాత్వధస్తాత్పరాత్పరః .

రక్షాహీనంతు యత్స్థానం రక్షత్వఖిలనాయకః .. 14..

ఏవం న్యస్తశరీరోఽసౌ సాక్షాద్వాగీశ్వరో భవేత్. 

ఆయురారోగ్యమైశ్వర్యం సర్వశాస్త్రప్రవక్తృతాం .. 16..

లభతే నాత్ర సందేహో హయగ్రీవప్రసాదతః 

ఇతీదం కీర్తితం దివ్యం కవచం దేవపూజితం .. 17..

ఇతి హయగ్రీవ తంత్రే అథర్వణ వేదే మంత్రఖండే పూర్వ సంహితాయాం

శ్రీహయగ్రీవకవచం సంపూర్ణం .