శ్రీ హయగ్రీవకవచం 1 (Sri Hayagreeva Kavacham 1 - Telugu Lyrics)

అథ శ్రీ హయగ్రీవకవచం 1 

శ్రీరాధాకృష్ణాభ్యాం నమః .

పార్వత్యువాచ .

దేవదేవ మహాదేవ కరుణాకర శంకర .

త్వయా ప్రసాదశీలేన కథితాని రమాపతేః .. 1..

బహూనామవతారాణాం బహూని కవచాని చ .

ఇదానీం శ్రోతుమిచ్ఛామి హయాస్యకవచం ప్రభో .. 2..

శంకర ఉవాచ .

దేవి ప్రియంవదే తుభ్యం రహస్యమపి తత్ప్రియే .

కలశాబుధి పీయూష హయాస్యకవచం వదే .. 3..

మహాకల్పాంత యామిన్యాశ్చ రమ ప్రహరే స్వయం .

లీలయా హయవక్త్రోత్థం రూపమాధాయ యోఽరమత్ .. 4..

తేన యద్ధయ శీర్షేణ త్రయీ రక్షణ కాంక్షయా .

వేదోపదేశః ప్రాక్కాలే ఉపదిష్టో విరంచయే .. 5..

పుత్రవాన్స తతో మహ్యం విరంచిరుపదిష్టవాన్ .

కవచం హయశీర్షస్య తత్తుభ్యం కథయామ్యహం .. 6..

హయాస్య కవచస్యాస్య ఋషిర్బ్రహ్మా ప్రకీర్తితః .

ఛందోఽనుష్టుప్ తథా దేవో హయగ్రీవ ఉదాహృతః .. 7..

హ్రౌంతు బీజం సమాఖ్యాతం హ్రీం శక్తిః సముదాహృతా .

ఓం కీలకం సమాఖ్యాత ముచ్చైరుత్ కీలకం తథా .. 8..

లక్ష్మీకరాంభోరుహ హేమకుంభ పీయూష పూరైరభిషిక్త శీర్షం .

వ్యాఖ్యాన మాలాంబుజ పుస్తకాని హస్తైర్వహంతం హయతుండ మీడే .. 9..

సుధాసిక్తః శిరః పాతు భాలం పాతు శశిప్రభః .

దృశౌ రక్షతు దైత్యారిర్నాసాం వోద్ధృతవారిధిః .. 10..

శ్రోత్రం పాతు స్థిరశ్రోత్రః కపోలౌ కరుణానిధిః .

ముఖం పాతు గిరాం స్వామీ జిహ్వాం పాతు సురారిహృత్ .. 11..

హనుం హనుమతా సేవ్యః కంఠం వైకుండనాయకః .

గ్రీవా పాతు హయగ్రీవో హృదయం కమలాలయః .. 12..

ఊర్ధ్వంచ విశ్వభృత్పాతు నాభిం పంకజలోచనః .

మేఢ్రం ప్రజాపతిః పాతు ఊరూ పాతు గదాధరః .. 13..

జానునీ విశ్వహృత్ పాతు జంఘే తు జగతాం పతిః .

గుల్ఫౌ పాతు హయధ్వంసీ పాదౌ విజ్ఞానవారిధిః .. 14..

ప్రాచ్యాం రక్షతు వాగీశో దక్షిణాయాం వరాయుధః .

ప్రతీచ్యాం విశ్వభృత్ పాతు కౌబేర్యాం శివవందితః .. 15..

ఊర్ధ్వం పాతు హరిః సాక్షాదధః పాతు గుణాకరః .

అంతరిక్షే హరిః పాతు విశ్వతః పాతు విశ్వధృక్ .. 16..

పురాణం కవచం ధీమాన్ సంనహ్యేన్నిజవిగ్రహే .

దుర్గతివాక్ శరవ్యూహైః స కదాచిన్న బాధ్యతే .. 17..

జపేద్య ఏతత్కవచం త్రిసంధ్యం భక్తిభావతః .

మూఢోఽపి గీష్పతి స్పర్ద్ధీ జాయతే నాత్ర సంశయః .. 18..

ఇతి శ్రీహయగ్రీవ సంహితాయాం హయగ్రీవకవచం సంపూర్ణం